Meer oor Stellenberg Omgeetrust

Die Stellenberg Omgeetrust is in 2008 deur gemeentelede gestig om verdienstelike naastediensprojekte aan te pak en finansiële steun aan projekte te verleen. Fokusareas sluit in:

• Wees- of hawelose en onversorgde kinders
• Arm en behoeftige senior burgers
• Voorskoolse kinders
• Ander PBO’s met soortgelyke doelstellings

Die trust is geregistreer as

ʼn Openbare Weldaadsorganisasie (Public Beneficial Orginazation – PBO):

• Bydraes tot die trust kwalifiseer vir inkomstebelastingaftrekking
• Die omgeetrust funksioneer met onafhanklike trustees volgens Artikel 18A.
• Stellenberg-gemeente verskaf gratis administratiewe ondersteuning.
• Al die fondse wat geskenk word, bereik dus die begunstigdes.

Die trust poog om projekte waar die gemeente betokke is of wat deur die gemeente geïnsieër is, finansieel te ondersteun.

• Juis omdat die bydraes belastingaftrekbaar is, maak dit finansieel sin om bydraes vir naastediensprojekte eerder op hierdie wyse te kanaliseer.
• Alhoewel die trust ook deurlopend verskeie projekte ondersteun, word groot klem geplaas om struktuur te help skep in areas waar bestaande instansies aktief is en waar regtig nood heers, maar as gevolg van onvoldoende finansiële kapasiteit kan inisiatiewe nie uitgebrei word nie.

Die afgelope 17 jaar was die trust, alhoewel onafhanklik, maar in sekere sin as ’n verlengstuk van die gemeentelike werk, by verskillende kapitale projekte, asook ondersteunde projekte, betrokke.

1. KAPITALE PROJEKTE

 1.1 Heaven’s Gate Kinderhuis – Kraaifontein

’n Bydrae van 50% bydrae vir die aankoop van ʼn huis in Kraaifontein wat onder die sorg van Shiloh as ʼn tuiste vir hawelose kinders gebruik word, is gemaak.  Heaven’s Gate huisves tans sewe kinders.

1.2 Alta du Toit Nasorgsentrum

Fasiliteit is verskaf vanwaar die sentrum herwinningsprojekte bedryf vir die stimulasie van inwoners, asook as ’n addisionele inkomste vir die sentrum.

1.3 Klipheuwel Voorbereidingskool

Bydraes is gemaak om klaskamergeriewe uit te brei om meer voorskoolse kinders te akkommodeer. Dis ʼn uitsonderlike instelling van uitnemendheid in ʼn baie arm, gebroke gemeenskap.

1.4 Prins Albert Voorbereidingskool

ʼn Projek soortgelyk aan Klipheuwel. Die skool is opgerig en is ten volle funksioneel. Hulle verskaf tans opvoeding aan 130 voorskoolse kinders. Die onderwysers kom almal uit die gemeenskap.

1.5 Ruyterwacht-huise

Huise word benut vir hulpbehoewende bejaardes sonder ʼn tuiste in Ruyterwacht. Met die aankoop van vyf nuwe huise sal ‘n totaal van 53 bejaardes geakkommodeer kan word (teenoor die huidige 10)

• Twee huise is aangekoop in 2011 en 2019.
• Vyf huise is in 2025 van Communicare aangekoop, teen ’n baie gunstige bedrag. Die huise is egter struktureel in ’n swak toestand
• Onderhoudswerk en opgradering moet by al sewe huise gedoen word.

+ Drie huise is verdeel in 17 afsonderlike wooneenhede (eenmans-woonstelle): Opgraderingskoste wissel van R10 000 tot R85 000 per eenheid.

+ Die res (vyf huise) se totale opgradering beloop tussen R222 000 – R545 000.

2. DEURLOPENDE ONDERSTEUNING

•  Mavusa: Voedselondersteuning van ’n speelskool van 91 kinders in Mavusa, Natal.
• Elsiesrivier Care Centre: Speelskool met 122 kleuters.
• Eco-Isibindi: Die Eco-program in Kaapstad-omgewing bied huisvesting in Tableview, Ysterplaat, Stellenbosch en Paarl aan 36 jongmense wat die kindersorgsisteem moes verlaat. Nasorg vir laerskoolkinders in Ysterplaat en Milnerton akkommodeer 25 kinders
• Heavens Gate Ministries – Kraaifontein: Sewe kinders word gehuisves. Die trust was ook betrokke by die aankoop van die eiendom
• Wallacedene Vigskliniek
• Ruyterwacht Senior Sentrum: Bydrae ter ondersteuning aan 242 bejaardes
• Prins Albert Voorbereidingskool: Subsidieer salarisse van onderwyseresse.

BYDRAES TOT TRUST

In 2025 fokus ons spesifiek om die huise wat in Ruyterwacht aangekoop is, bewoonbaar te maak, asook ondersteuning aan die Prins Albert Voorbereidingskool.

• Donateurs is welkom om sekere projekte te kies waarvoor hulle spesifiek wil bydra – gedeeltelik of ten volle

+ Kapitaalprojekte: Algemene herstelwerk, fasieborde/geute vervang, vensters, dakke herstel of vervang, verfwerk, opgradering van ’n gedeelte van huis/woonstel of hele huis/woonstel, ens.

+ Herhalende of lopende operasionele uitgawes: Bv. personeelsalarisse, voedsel, ens.

• Vir meer detail indien daar vir ’n spesifieke saak/item bygedra wil word, kontak Gawie de la Bat by 083 462 0834 of gawie@dalebrookcapital.co.za.
• Bankbesonderhede: ABSA 632 005, Stellenberg Omgeetrust, Spaarrekening, 929 298 5798. Verwysing: Naam en van.  Gee asb. u besonderhede deur aan stellenberg@stellenberg.co.za sodat die Artikel 18A-belastingsertifikaat aan u uitgereik kan word.