Dagstuk | Vrydag 22 Augustus 2025

Vandag is Vrydag 22 Augustus en welkom by hierdie week se oordenkings. Die woord “Sela” in die Bybel, veral in die Psalms, is soos geheimsinnige musieknote wat ons nooi om te stop, asem te haal, en God se teenwoordigheid te ervaar.

Vandag gesels ons oor “Sela” as ’n oproep tot gemeenskap en saam te aanbid. In Psalm 84:5, met “Sela,” lees ons: “Dit gaan goed met mense vir wie u huis ‘n tuiste is: hulle hou nie op om U te prys nie. Sela.

“Sela” nooi ons om saam te kom in aanbidding en gemeenskap, waar ons God se teenwoordigheid ervaar. Nooi ’n vriend of familielid om saam met jou Psalm 84 te lees en te bespreek. Deel hoe God se teenwoordigheid jou lewe verryk. Gesels oor hoe gemeenskaplike aanbidding jou geloof versterk. Skryf neer hoe hierdie “Sela” oomblik jou verbind het met ander en met God.

Gebed: Here, dankie vir die geskenk van gemeenskap. Help my om U te aanbid saam met ander en u teenwoordigheid in eenheid te ervaar. Laat “Sela” my hart oopmaak vir verhoudings wat U eer.

Amen.