Dagstuk | Vrydag 29 Augustus 2025

TEKS: FILLIPPENSE 4:8 8Verder, broers, alles wat waar is, alles wat edel is, alles wat reg is, alles wat rein is, alles wat mooi is, alles wat prysenswaardig is – watter deug of lofwaardige saak daar ook mag wees – daarop moet julle julle gedagtes rig.

BOODSKAP

In hierdie vers noem Paulus 8 maatstawe wat my kan help om grense in my lewe te stel. ‘n Grens is soos ‘n filter wat my help om onderskeid te tref tussen wat ek in my lewe moet toelaat en wat nie. Indien iets nie aan al ag vereistes voldoen nie, dan is dit nie welkom in my lewe nie. Dit is hoe die grense werk.

Een van die belangrikste lesse wat ons moet leer, is om te leer om “nee” te sê. In ons kultuur en samelewing voel ons soms dat dit slegte maniere is om nee te sê. Maar dit is belangrik om te weet dat, deur om ja te sê vir iets, ek eintlik nee sê vir iets anders. Ek moet daarom seker maak ek sê ja vir die regte goed in my lewe.

Dit is daarom belangrik om grense in plek te sit in my lewe. Om grense in plek te he in jou lewe nav die teks hierbo gee eintlik vir ons ‘n lewe van Vryheid en vrede. Grense is nie mure nie – dis hekke met slotte. Hulle bepaal wat in en uit kom, op ’n wyse wat eer aan God bring in my lewe. Wat is vir my toelaatbaar in my lewe.

 Jesus het ook grense gestel. Kyk na Jesus se lewe:

• Hy het Hom gereeld onttrek om alleen met die Vader te wees (Markus 1:35).
• Hy het nie altyd aan almal se verwagtinge voldoen nie (Lukas 4:42-44).
• Hy het ‘nee’ gesê – selfs aan goeie dinge – om die beste te doen.

  Waarom is grense belangrik vir gelowiges?

• Om jou hart te beskerm
• Om in jou roeping te leef
• Om gesonde verhoudings te hê
• Om nie ander se laste verkeerdelik te dra nie

 Is jy duidelik oor die grense wat jy in jou lewe gestel het. Nie grense om net noodwendig die lewe vir jou makliker te maak nie. Grense om God te verheerlik deur jou lewe en Sy wilt e doen?

GEBED

“Here, leer my om grense te stel soos U dit doen – nie uit selfsug nie, maar uit wysheid en liefde. Help my om my hart te bewaar, U stem eerste te hoor, en vrede te leef.”

AMEN!