Dagstuk | Woensdag 29 Oktober 2025

Vandag is Woensdag 29 Oktober en hierdie week wandel ons binne ons gemeente se 4de waarde van om voortdurend te vernuwe.

Ons kyk vandag na vernuwing deur geloof. Geloof is die sleutel tot voortdurende vernuwing, want dit verbind ons met God se krag en beloftes. Deur op God te vertrou, word ons vernuwe in ons uitkyk en optrede, selfs in tye van twyfel of uitdagings.

Teks: Romeine 12:2 “Julle moenie aan hierdie sondage wêreld gelyk word nie, maar laat God julle verander deur julle denke te vernuwe. Dan sal julle ook kan onderskei wat die wil van God is, wat vir Hom goed en aanneemlik en volmaak is.”

Hierdie vers roep ons om ons denke te laat vernuwe deur God se waarheid, eerder as om meegevoer te word deur wêreldse waardes. Geloof stel ons in staat om God se wil te onderskei en met moed te leef. Vernuwing deur geloof beteken dat ons ons vrese en twyfel aan God oorgee en vertrou dat Hy ons lei. In ons daaglikse lewe kan geloof ons perspektief verander. Dit help ons om uitdagings as geleenthede vir groei te sien en om God se goedheid te vertrou, selfs in onseker tye. Laat ons ons geloof versterk deur gebed, aanbidding en gemeenskap met ander gelowiges.

Gebed: Here, vernuwe ons geloof sodat ons op U beloftes vertrou. Help ons om U wil te soek en te volg. Gee ons moed om nie aan die wêreld gelykvormig te word nie, maar om deur U Gees getransformeer te word. Amen.