Manne Retraite | 16 – 18 Oktober 2026
Bybelskool vir jong werkendes
Uitreik 2026 inskrywings nou oop!
‘n Geleentheid om die hande en voete van Jesus te wees vir ander en vir Jesus te beleef in ander.
Ons nooi tieners, studente en volwassenes uit om saam op hierdie lewens- veranderende week te reis en groei in Leeu Gamka en Calitzdorp.
Daar is ‘n plek om te help op die uireik vir introverte en ekstroverte, jonk en oud, voor en agter die skerms.
Wil jy meer uitvind?
Kontak Ds Marius Schoombie
Wanneer is die uitreike?
- Calitzdorp: 27 Junie tot 2 Julie
- Leeu-Gamka: 4 Julie tot 9 Julie
Skryf hier in:
Nog maniere om die uitreike te ondersteun:
Om uit te reik is nie net vir almal wat kan saam gaan nie! Daar is verkseie maniere hoe jy die uitreike kan ondersteun en ‘n verskil kan maak in mense se lewens oor grense heen! Dit word gedoen deur insamelings, skenkings, gebed en nog vele meer! Klik op die opskrifte hieronder om te sien hoe jy die uitreike kan ondersteun
Little seeds - Mostersaad sakke
Wat is dit?
‘n Sak wat ouers of ander volwassenes wat na jong kinders kyk, help met vroeë kinderontwikkeling. Dit is vol oulike, maklik- vervangbare hulpmiddels wat enige iemand kan bekom en gebruik. Ons wil graag 10 volledige sakke aan die gemeenskap voorsien
Wat kan jy bring?
- Bottelproppies/doppies – verskillende kleure en groottes
- Ou sokkies (skoon en sonder groot gate)
- Plastieksakkies (inkopies)
- Wasgoedpennetjies – Verskillende kleure is ideaal. Nie te styf nie.
- Skoenveters – verskillende kleure en lengtes
- Kartonbokse – papbokse / Spar / winkel almanakke ens
- Ui / Lemoensakkies
- Wol (pompoms/balletjies maak)
- Speelklei bestanddele: Meel, sout, olie, kleursel – Hierdie is lekker om saam met hulle te maak. So leer hulle ook hoe om dit weer te maak.
Badkamer sakkies projek
Wat is dit?
Ons ondersteun ‘n projek in Leeu-Gamka wat 100 badkamer sakkies insamel vir kinders van Leeu-Gamka wat in koshuise is. Ons ondersteun ook inwoners van die ouetehuis in Calitzdorp met geskenkpakkies van toiletware.
Wat kan jy bring?
- Badseep
- Waslap
- Tandeborsel
- Tandepasta
- Onderarmrol
- Onderarm spuitgoed
- Pakkie sanitêre doekies (vir meisies)
Algemene Skenkings
Wat is dit?
Hieronder word ‘n paar items gelys, maar enige algemene skenkings is welkom! As jy aan ‘n manier kan dink om die uitreike te ondersteun, is enige bydrae meer as welkom.
Wat kan jy bring?
- Koekies en beskuit vir die uitreikspanne.
- 4-in-1-sopmengselpakkies, hawermout.
- Sagtespeelgoed of teddiebere vir kinders.
- Skryfbehoeftes en inkleurkryte
- Sepies en waslappe of enige ander sanitêre ware, vir besoeke aan ouetehuise.
- Haarknippers, Skeermesse, skeerroom en haarsjampoe.
- Sokker-, netbal-, of rugbyballe en ander sporttoerusting.
- Warm klere, komberse en skoene (veral skoolskoene).
Ondersteun finansieël
Borg ‘n uitreiker of maak ‘n algemene skenking
Bankbesonderhede:
Absa 9287 59 2857, takkode 632005. Gebruik UITREIKE as verwysing.
Word deel van die Breigroep of Kweek vir die Here span
Die breigroep brei deur die jaar serpe en musse vir die mense van Calitzdorp en Leeu-Gamka. Kweek vir die Here kweek plantjies om geld in te samel vir die uitreike. Kontak die kerkkantoor om deel te word van een van hierdie spanne
