Dasgstuk | Woensdag 11 Februarie 2026

Vandag is Woensdag 11 Februarie en hierdie week dink ons na oor die liefde. Die bekende Rick Warren sê dat ons geskep is vir verhoudings.

Vandag se tema: Die liefde hou van die waarheid.

Teksvers:
“Die liefde is nie onwelvoeglik nie, soek nie sy eie belang nie, is nie liggeraak nie, hou nie boek van die kwaad nie. Dit verbly hom nie oor onreg nie, maar verheug hom oor die waarheid.”
– 1 Korintiërs 13:5–6

Spreek die waarheid in liefde – nie om seer te maak nie, maar om op te bou. Ons is geskep vir verhoudings, en eerlike kommunikasie is noodsaaklik. Liefde vermy leuens, skinder en manipulasie; dit spreek die waarheid met genade. Baie verhoudings ly onder oneerlikheid – om konflik te vermy, swyg ons, of sê wat mense wil hoor. Maar ware liefde konfronteer sagkens, bou op en herstel. Liefde is nie bang vir die waarheid nie; dit gebruik dit om te genees.

Dink aan Jesus: Hy het die waarheid met die Fariseërs en sy dissipels gedeel, maar altyd met liefde.

Waar vermy jy die waarheid in verhoudings? Hoe kan jy die waarheid in liefde spreek?

Gebed:
Here, leer my om die waarheid in liefde te spreek. Vergewe my waar ek swyg of leuens vertel uit vrees. Gee my wysheid en moed om eerlik te wees in my verhoudings. Mag my woorde bou en nie breek nie. Amen.